Tot Jy My Vind

Leané Jacobs en Dr Stefan Meyer ken mekaar se koffie, humeur en swak verskonings ná ontelbare ure in ongevalle. Sy is 'n ervare ALS-paramedikus wat haar onafhanklikheid met alles in haar beskerm. Hy is die noodarts met die maklike glimlag wat baie meer raaksien as wat hy laat blyk. Wanneer die Laeveld Outreach Initiative hulle al hoe meer saam op die pad plaas, word die grens tussen vriendskap en iets anders gevaarlik dun. Leané wil nie gered word nie. Stefan wil haar ook nie red nie - maar hy wil langs haar staan wanneer dinge swaar raak. Tot Jy My Vind is 'n vinnige, warm vriende-tot-liefde-romanse oor ondersteuning, onafhanklikheid en die moed om iemand toe te laat om langs jou te loop.